Si të shfrytëzoni çdo hapësirë të dollapit tuaj të rrobave

10:08, 19/10/2021

Dollapi i rrobave është zgjidhja e njëkohësisht makthi i shumë problemeve të përditshme.

Ndonjëherë duhet sikur nuk mjafton kurrë e në të tjera raste sikur ju zë shumë vend në dhomë.

Megjithatë pavarësisht formës apo sasisë së sendeve që keni mbledhur në të, është me rëndësi të dini disa mënyra se si mund ta shfrytëzoni më mirë.

Për një organizim perfekt të dhomës tuaj të gjumit e sidomos dollapit lexoni disa këshilla më poshtë.

Blini një varëse rrobash

Nuk po flasim për varëset e vogla të rrobave ku varni xhaketat apo këmishat. Nëse hapësira j’ua lejon ju këshillojmë të blini një varëse të hapur rrobash si ato që shihni të ekspozuara në dyqane. Këto stenda janë një nga mënyrat më të mira të organizimit në përditshmëri. Aty mund të vendosni xhaketat që vishni më shpesh, këmishat apo pantallonat që ju duhet t’i gjeni shpejt.Në këtë mënyrë nuk do të keni as grumbuj të mëdhenj rrobash të palosura në dollapin tuaj.

 

Organizohuni me kuti dhe rafte

Tani fokusohuni brenda dollapit tuaj dhe poshtë hapësirës ku varni zakonisht rrobat, vendosni ndonjë raft tjetër ku mund të mbani çantat, kapelet apo të tjera sende të vogla.Këtë hapësirë që zakonisht mbetet e pashfrytëzuar, mund ta përdorni edhe për ta mbushur me kuti në të cilat vendosni sende që nuk i përdorni shpesh, shkruan AgroWeb.

Varëset e duhura të rrobave
Një mënyrë për të kursyer hapësirë është zgjedhja e varësve të duhura. Mundohuni që ato të mos jenë shumë të mëdha dhe uniform më njëra tjetrën. Në këtë mënyrë do të qëndrojnë drejtë në dollapin tuaj dhe do të jeni më të lehta për t’u lëvizur.

Sistemim sipas stinëve

Një nga mënyrat më të zgjuara të mirëmbajtjes së dollapit është sistemimi i rrobave sipas tinëve. Me siguri edhe ju e ndiqni këtë rregull dhe është një nga më të mirët. Mbani veç rrobat e dimrit nga ato të verës dhe ndryshojini vendet për më shumë komoditet sipas stinëve.

 

Kujdes me materialet dhe ngjyrat

Ndarja sipas ngjyrave dhe materialeve është një tjetër hile e mirë që mund të përdorni për sistemimin e dollapit tuaj. Xhinset mblidhini në një vend, tutat dhe streçet në një tjetër e po kështu me bluzët e leshta, të pambukur e material të tjera. Ngjyrat po ashtu ju kursejnë shumë kohë në përzgjedhjen e veshjes gjatë një dite si dhe e bëjnë organizmin e dollapit më të qartë. Ndajini rrobat në të bardha, të zeza dhe ato me ngjyra për ta bërë gjithçka më të qartë e të lehtë.

Palosja dhe sistemimi

Dihet që një dollap i rregullt kërkon një sistemim rrobash perfekt, palosja e mirë ju kursen shumë vend. Për rrobat që kanë volum si pantallonat apo rrobat e leshit, mundohuni që t’i presoni sa të mundeni me njëra tjetrën. Të tjera materiale të pambukta që mund të jenë ndërresat, vendosini të gjithë në një syrtar të veçantë.Në këtë mënyrë do të kurseni më shumë hapësirë, kohë dhe mund sa herë që të bëheni gati./SHQIP.com

 

© SYRI.net

Lexo edhe:

• Plane, udhëtime, para, horoskopi na e nis ditën kaq bukur, këto shenja qenkan me fat!
• Mos i besoni më këto mite lidhur me prerjen e flokëve!
• 10 parfumet me lule që do t’ju bëjnë për vete