Sfilata e Victoria Beckham në Paris u ndërpre për shkak të protestuesve të grupimit PETA, të cilët u shfaqën në pasarelën e Javës së Modës në Paris me veshja dhe pankarta me shprehje të ndryshme kundër abuzimit të kafshëve.
“Kafshët nuk janë veshje” dhe “Jetë të gjatë lëkurës vegane” ishin disa nga shprehjet e grupimit, ndërsa presidenti i PETA u shpreh: “Asnjë veshje apo aksesor nuk ia vlen aq shumë sa të theret dhe të hiqet me dhunë lëkura e një kafshe të ndjeshme dhe inteligjente. Ne i bëjmë thirrje Victoria Beckham që në vend të kësaj, t’u drejtohet risive ekologjike dhe miqësore ndaj kafshëve, të cilat disponohen sot, të tilla si: lëkura e cilësisë së lartë, e krijuar nga mollët, rrushi, ananasi, kërpudhat etj”, duke inkurajuar kështu përdorimin e lëkurës vegane.
Sfilata prezantoi veshje të reja, pallto të gjata, geta transparente në ngjyrë të bardhë dhe pantallona me bel të lartë.
Ndërkohë, Victoria u paraqit në fund të sfilatës, e veshur me të zeza nga koka te këmbët dhe me paterica, për shkak se ka pësuar një incident në palestër.
Ajo u mbështet nga familjarët e saj, të cilët u shfaqën në radhën e saj dhe dizajnerja e modës shkëmbeu një moment romantik me të shoqin, David Beckham.
© SYRI.net
Nga lufta në Sunny Hill: Si po e ndryshon Dua Lipa reputacionin e Kosovës
Lotina dhe Mozzik shfaqen më të dashuruar se kurrë
Bebe Rexha për Shqipërinë: 24 orët e mia të para këtu kanë qenë një ëndërr
Denonco
Merrni lajmet më të fundit nga SYRI.net në çdo moment dhe kudo që të jeni!
