Rihanna performoi në dasmën e multimiliarderit indian dhe njerëzit u mahnitën

Rihanna performoi në dasmën e multimiliarderit indian dhe njerëzit u mahnitën

12:42, 02/03/2024

Rihanna iu rikthye performancave…në dasmën disaditore dhe të shumëpritur indiane. Ajo performoi në dasmën e multimiliarderit Anant Ambani (i biri i miliarderit Mukesh Ambani), i cili kurorëzoi dashurinë me Radhika Merchant.

Anant është djali i vogël i multimiliarderit Mukesh Ambani, pronari i konglomeratit "Reliance", njeriut më të pasur në Indi.Familja Ambani njihet për festa të tilla, pasi në vitin 2018, për vajzën e tyre Isha, performoi Beyoncé, në një koncert privat. Ajo u pagua plot 6 milionë dollarë.

Riri mbërriti në Jamngar, Indi, së bashku me A$AP Rocky-n. Ajo pati shumë bagazhe (të cilat mbanin dekorimet dhe mjetet e skenës) dhe u ngjit në skenë për të performuar repertorin e saj. Sigurisht, njerëzve u kishte munguar performanca e saj dhe pati shumë vlerësime, duke nisur që nga veshja, kërcimi këmbëzbathur dhe talenti i saj.

@diet_paratha Rihanna in india for the ambani pre-wedding party #ambaniwedding #india #rihanna ♬ original sound - Diet Paratha

“Është një dhe e vetme: Rihanna”; “Oh Zot, çfarë performance”; “Të merrja Rihanna-n në dasmë do të ishte gjëja e parë që do bëja po të isha miliarder”; “Askush s’e bën më mirë se Riri! Çfarë veshje! Çfarë performance!”; “Këmbëzbathur dhe ikonike” ishin disa nga komentet.

Festa e çiftit nisi që të mërkurën, ku ishin fillimisht të ftuar familjarët. Sipas Forbes, kushtoi 114 miliardë dollarë, së bashku me banketin që solli ushqim për 50,000 banorë vendas. Ushqimi u përgatit nga 100 shefa kuzhine, të cilët servirën 500 lloje gatimesh nga e gjithë bota.

@diet_paratha And tbh so should whoever put this disaster look together for the ambani pre wedding party. Apologies Manish Malhotra 😭screaming at our first fake news tho 😂 #rihanna #india #ambaniweddibg ♬ original sound - Diet Paratha

 
Muzika tradicionale argëtoi njerëzit, ndërsa në dasmë, ishin plot 1,200 të ftuar, mes tyre Bill Gates, Mark Zuckerberg, bin Abdulrahman bin Jassim Al Than, kryeministri i Katarit dhe mbretëresha e Bhutan. Mes yjeve të ftuar ishin edhe sipërmarrës, politikanë dhe aktorë Bollywood-i. V.I.P-at u akomoduan në një hotel me 5 yje, me vila dhe shtëpi gjigante.

© SYRI.net

Lexo edhe:

Komentet

Shto koment

Denonco