Kënga e Izraelit në ‘Eurovision 2024’ mund të përjashtohet për shkak të përmbajtje politike në tekstin e saj

Kënga e Izraelit në ‘Eurovision 2024’ mund të përjashtohet për shkak të përmbajtje politike në tekstin e saj

21:24, 21/02/2024

Sipas raportimeve të gazetës izraelite “Ynet”, kënga e Izraelit në ‘Eurovision 2024’ mund të diskualifikohet për shkak të përmbajtjes politike të tekstit.

Ky supozim u bë pas zbulimit të titullit të këngës, i cili është “October Rain”, që në shqip përkthehet si “Shiu i Tetorit”, shkruan WiwiBlogs.

Transmetuesi izraelit u shpreh: “Nuk do të ndryshojmë as tekstin as këngën, edhe nëse kjo do të thotë që Izraeli nuk do të marrë pjesë në Eurovision këtë vit”.

Më 16 shkurt, Bashkimi Evropian i Transmetimeve (EBU) përsëriti se nuk do ta përjashtojë Izraelin nga Eurovisioni për shkak të luftës së vazhdueshme në Gaza.

Image

Ai tha publikisht, dhe sërish, se Eurovision është një garë ndërmjet transmetuesve dhe jo qeverive. Për shkak se KAN i përmbahet rregullave, pjesëmarrja e Izraelit ishte e sigurt. Megjithatë, përfshirja e teksteve politike është një çështje tjetër.

Kjo paraqet një shkelje të rregullave të konkursit nga ana e një transmetuesi pjesëmarrës dhe çon në mundësinë që Izraeli të diskualifikohet.

Image

Izraeli planifikon të dërgojë Eden Golan në konkurs, pasi ajo fitoi “HaKokhav HaBa” më herët këtë muaj. Një komision që përfshinte ekspertë muzikorë dhe profesionistë të televizionit u ngarkua më pas me zgjedhjen e këngës së saj.

Më herët gjatë kësaj jave doli në pah se kënga kryesuese ishte një këngë me titull “October Rain”, e cila shumëkush supozoi se i referohet sulmeve të 7 tetorit në Izrael

© SYRI.net

Lexo edhe:

Komentet

Shto koment

Denonco