‘Përdor anti-depresantë’, Bebe Rexha rrëfen problemet me shëndetin mendor

‘Përdor anti-depresantë’, Bebe Rexha rrëfen problemet me shëndetin mendor

19:54, 17/04/2022

Këngëtarja shqiptare me famë botërore, Bebe Rexha, që nga fillimi i vitit 2022, nuk ka qenë shumë aktive për fansat e saj në rrjetet sociale.

Ajo ka zgjedhur që këto muaj të mos publikojë fotografi, video apo statuse të ndryshme për fansat e saj, gjersa “e heshtur” ka qëndruar edhe sa i përket prurjes së projekteve të reja muzikore.

 

Megjithatë, së fundmi 32-vjeçarja gjeti pak kohë që t’iu përgjigjet disa prej pyetjeve të parashtruara nga fansat e saj në Twitter.

Një prej tyre kishte pyetur këngëtaren shqiptare se “çfarë e mbanë atë të motivuar kur ndjehet keq me disponim”.

 

Dhe si me shaka, Rexha i është përgjigjur duke thënë: “Antidepresantët”.

Artistja me origjinë shqiptare ka qenë gjithmonë shumë e hapur për betejën e saj me shëndetin mendor dhe ka pranuar haptazi, se ilaçet e ndihmuan atë që të tejkalonte periudhat e vështira në jetën e saj.

 

Në vitin 2019, Bebe Rexha u diagnostikua me çrregullim bipolar, por iu kishte thënë fansave të saj që të mos shqetësohen, pasi ajo ishte mësuar tashmë me vite se si ta menxhonte sëmundjen e saj. 
Image

© SYRI.net

Lexo edhe:

Komentet

Shto koment

Denonco