Modelja e njohur shqiptare, Zana Krasniqi, e shpallur “Miss Universe Kosova” në vitin 2008, këtë vit vendosi t’i futet edhe politikës.
Ajo aderoi në Lëvizjen Vetëvendosje, duke kandiduar për asambliste në zgjedhjet lokale 2021, që u mbajtën më 17 tetor.
Krasniqi e bëri të qartë se arsyeja e kalimit të saj në politikë ishte kauza e saj për ambientin, me çka do të bënte të pamundurën për të shtyrë përpara fushatat e gjelbra për kryeqytetin.
Ajo ka marrë në total 380 vota, duke dalë femra e tetë më e votuar në listën e Vetëvendosjes në Prishtinë, të udhëhequr nga prijësi Arben Vitia.
Zana Krasniqi – Fazliu, konkurroi në zgjedhjet lokale të tetorit me numrin 20.
© SYRI.net