Këngëtarja Lady Gaga, në bashkëpunim me markën e modës Versace, po feston përvjetorin e dhjetë të albumit të saj "Born This Way".
Ajo do të lançojë një edicion të kufizuar të koleksionit të veshjeve me markën e përmendur.
Ajo e postoi këtë lajm në Instagram vetëm disa ditë pasi njoftoi ribotimin e albumit, shkruan "Daily Mail" .
Tridhjetë për qind e të ardhurave nga shitjet shkojnë për Gaga Born This Way Foundation, dhe qëllimi i linjës së modës është të mbështesë komunitetin LGBTQ +.
"Versace ka qenë gjithmonë një lider. Gianni, Donatella, Allegra gjithmonë kanë festuar ngjyrat e bukura të dashurisë që ne mbartim brenda nesh dhe i ndajmë me të tjerët. Ne jemi të gjithë të ndryshëm, por ndryshe është e bukur. Faleminderit Donateli për mbështetjen e komunitetit të shëndetit mendor LGBTQ + dhe dhjetë vjetorin e Born This Way, ” shkroi Gaga.
Më herët, Gaga theksoi afeksionin e saj për këtë markë mode.
Ajo kishte veshur rroba Versace në Super Bowl në 2017, dhe në reklama për koleksionin pranverë 2014, por edhe duke i kushtuar këngës Donateli.
Pjesa e parë e koleksionit përbëhet nga një bluzë e dizajnuar posaçërisht dhe një beretë në ngjyrat e ylberit me logon karakteristike të Versace Medusa.
Bereta shitet për 350 dollarë dhe bluza bardh e zi Born This Way x Versace për 250 dollarë.
Përveç kësaj, një kopje e veçantë e një xhakete lëkure Versace me vlerë 20,000 dollarë, të cilën këngëtarja e veshi në turneun Born This Way Ball, po ofrohet në ankand.
Versioni i ri i xhaketës, i cili u desh 400 orë për t’u bërë në studion e modës Versace në Milano, do të jetë po aq mbresëlënës sa origjinali.
Në fillim të kësaj jave, Gaga njoftoi se më 18 qershor, për të kënaqur fansat e saj, ajo do të publikonte një edicion special të albumit të saj 2011.
© SYRI.net
Eurovision, ku është sot Conchita Wurst, e cila fitoi konkursin muzikor në vitin 2014
Koncerti falas i Madonës në Rio të Brazilit mbledh shumë se 1.6 milionë fansa
Taylor Swift dominon listat muzikore
Denonco
Merrni lajmet më të fundit nga SYRI.net në çdo moment dhe kudo që të jeni!
