Zëvendësues drejtori i përgjithshëm i ATK-së Ekrem Hysenaj, ka takuar ekspertin nga Britania e Madhe Leslie Green, i cili ishte pjesë e Administratës Tatimore të Kosovës për dy vite.
Green, ka ndihmuar Departamentin për Hetime Tatimore dhe Intelegjence-ATK, në parandalimin, zbulimin dhe luftimin e krimit financiar dhe ekonomik.
Gjatë takimit në zyrat e DHTI-së, drejtori Hysenaj falënderoj Green për kontributin e dhënë në krijimin e njësisë së inteligjencës brenda Departamentit të Hetimit Tatimor, si dhe mekanizmat e krijuar për luftimin dhe parandalimin e ekonomisë jo-formale dhe pastrimin e parave. Ai po ashtu theksoj se avancimet të cilat janë bërë në këtë drejtori, e cila ka shumë impakt në uljen e nivelit të shmangjes tatimore, si dhe hetimin e rasteve të dyshuara, do të japin rezultate për vite me radhë.
E nga ana tjetër, eksperti i projektit për zbulim dhe luftim të krimit financiar dhe ekonomik Lesli Green, tha se ka pas kënaqësi për punën që ka bërë, pasi që ka punuar me një staf i cili ka qenë shumë profesional dhe bashkëpunues.
Ai njëherit, përmendi se projekti në fjalë ka pajisur dhe trajnuar ATK-në, Doganat, njësinë e Krimeve Ekonomike të Policisë së Kosovës dhe NjIF-in, me softuer special të inteligjencës dhe mjete të hetimit financiar, të cilat kanë përmirësuar kapacitetet e tyre hetimore dhe bashkëpunimin e tyre me njëri-tjetrin.
Në shënjë falënderimi për gjithë punën e bërë dhe mbështetjen e dhënë, drejtori Hysenaj i dha një mirënjohje Green, përmes së cilës ATK çdoherë do të mbesë mirënjohëse ndaj Britanisë së Madhe e në veçanti Green.
© SYRI.net