Mazreku: Shqetësim numri i madh i automjeteve të pasiguruara, dëmi mbi 3 milionë euro

14:06, 03/02/2021

Të hyrat në Byronë Kosovare të Sigurimit (BKS), gjatë kohës së pandemisë kanë rëndë në 65 për qind. Këtë e ka bërë të ditur ushtruesi i detyrës së drejtorit të BKS-së, Sami Mazreku.

Ai ka thënë se problem për këtë institucion mbesin automjetet e pasiguruara ku dëmi nga kjo është mbi 3 milionë euro.

“Gjatë kësaj kohe angazhimi ynë ka qenë për të menaxhuar BKS në kohën më të vështirë si pasojë e Covid-19 , dhe të hyrat kanë rënë deri në 65%. Gjatë kësaj kohe jemi munduar të që bëjmë ndryshime në Byronë e Sigurimit. Shqetësimi jonë mbetet numri i madh i automjeteve të pasiguruara dhe dëmi që shkakton kjo është mbi 3 milionë euro”, tha ai në një konferencë të përbashkët me u.d e guvernatorit të BQK-së Fehmi Mehmeti.

Mazreku ka thënë se janë mbi 150 mijë automjete të pasiguruara.

“Kemi mbi 150 mijë automjete të paregjistruara dhe ne duhet të punojmë që këtë numër ta ulim”, tha ai.

© SYRI.net

Lexo edhe:

• Çmimi i drithit të importuar me ulje 42%, po buka nuk ndryshon
• Çfarë po ndodh sot me monedhat e huaja? Ja me sa po blihen dhe shiten dollari dhe euro
• Dogana e Kosovës shënon rekord të ri, të hyrat tejkalojnë vlerën e 500 milionë eurove