Ministria e Shëndetësisë ka licencuar edhe një laborator privat për të kryer teste PCR për koronavirus.
Siç bëhet e ditur në një njoftim për media të MSH-së, bëhet fjalë për laboratorin “Mikrobioanaliza” në Prishtinë, i cili është i katërti që licencohet për kryerjen e këtyre llojeve të testeve për COVID-19.
E kryetari i Autoritetit të Konkurencës, Valon Prestreshi përmes një shkrimi në Facebook, ka thënë se liberalizimi i këtij tregu veqse është duke shkuar drejt koncentrimit të ultë, duke krijuar një treg konkurrues dhe të lirë.
Shkrimi i plotë:
Bukur! Ministria e Shëndetësisë ka licensuar laboratorin e 4 privat për të kryer testin molekular PCR.
Liberalizimi i këtij tregu veqse është duke shkuar drejt koncentrimit të ultë, duke krijuar një treg konkurrues dhe të lirë.
Tutje, ekonomia e tregut të lirë e bënë punën e vetë ndërmjet këtyre laboratorëve, me mbikqyrje të shtuar nga Autoriteti Kosovar i Konkurrencës.
Mbikqyrja e AKK-së do të jetë në frymën avokuese dhe diciplinuese me kusht të parandalimit të marrëveshjeve të ndaluara ndërmjet tyre.
Gjithëherë në shërbim të qytetarëve të Republikës së Kosovës.
I juaji
Valon PRESTRESHI
Kryetar
© SYRI.net
KUSH PAGUAN/ Fuqia e marketingut për sukses në biznes. Sekretet dhe sfidat 
Kosova përfiton mbi 18 milionë euro nga Banka Botërore për përmirësimin e shërbimeve shëndetësore
Çfarë po ndodh sot me monedhat e huaja? Ja me sa po blihen dhe shiten dollari dhe euro
Denonco
Merrni lajmet më të fundit nga SYRI.net në çdo moment dhe kudo që të jeni!
