Koreja e Veriut ka hedhur 90 balona që mbanin fletëpalosje propagandistike dhe mbeturina në dy provinca kufitare në Korenë e Jugut, duke bërë që autoritetet të paralajmërojnë banorët e saj të qëndrojnë brenda.
Ushtria e Koresë së Jugut gjithashtu paralajmëroi popullin të mërkurën që të mos i prekin balonat e bardha dhe qeset plastike të lidhura te ato, sepse përmbanin "mbeturina të ndyra dhe papastërti". Sipas disa mediave jugkoreane, dyshohet se kishin edhe jashtëqitje.
Balonat e gjetura në provincat Gyeonggi dhe Gangëon tani po analizohen nga autoritetet përkatëse.
Koreja e Veriut dhe ajo e Jugut kanë përdorur të dyja balona në fushatat e tyre propagandistike që nga Lufta Koreane në vitet 1950.
Incidenti i fundit vjen disa ditë pasi Koreja e Veriut tha se do të hakmerrej kundër "shpërndarjes së shpeshtë të fletëpalosjeve dhe mbeturinave të tjera" në zonat kufitare nga aktivistët në Jug.
"Grumbuj letrash të mbeturinave dhe papastërtive do të shpërndahen së shpejti në zonat kufitare dhe në brendësi të Koresë së Jugut dhe ata do të përjetojnë drejtpërdrejt se sa përpjekje kërkohet për t'i hequr," tha në një deklaratë, zëvendësministri i mbrojtjes i Koresë së Veriut, Kim Kang Il. për mediat shtetërore të dielën.
Republika e Koresë ose ROK është emri zyrtar i Koresë së Jugut ndërsa Veriu quhet DPRK ose Republika Popullore Demokratike e Koresë.
Vonë të martën, banorët jugkoreanë që jetojnë në veri të kryeqytetit, Seulit, dhe në rajonin kufitar morën mesazhe me tekst nga autoritetet e tyre të provincës, që u kërkoninr atyre që të "përmbahen nga aktivitetet në natyrë".
Atyre iu kërkua gjithashtu të paraqisnin një kallëzim në bazën ushtarake ose stacionin policor më të afërt nëse dallonin një "objekt të paidentifikuar".
© SYRI.net
'Do zhvillojmë një tubim të madh!'/ Trump njofton rikthimin e bujshëm në vendin ku i shpëtoi atentatit
Tërmet i fortë godet Greqinë
G20/ Ministrat e financave diskutojnë taksën globale për super të pasurit
Denonco
Merrni lajmet më të fundit nga SYRI.net në çdo moment dhe kudo që të jeni!
