NYT: NATO po vlerëson dërgimin e instruktorëve në Ukrainë

13:24, 17/05/2024

NATO po vlerëson mundësinë e dërgimit të instruktorëve në Ukrainë për të trajnuar ushtarët e Kievit, raporton New York Times (NYT).

Sipas NYT një veprim i tillë do t’i shtynte Shtetet e Bashkuara të Amerikës dhe Evropën të përfshiheshin më shumë në luftë.

Deri më tani, SHBA-të kanë thënë jo, por shefi i Shtabit të Përbashkët, Gjenerali Charles Q. Brown Jr, tha se një ‘’dislokim i instruktorëve të NATO-s duket i pashmangshëm’’.

Ukraina i ka treguar botës se ka aftësinë për të arritur sukses të paprecedentë në fushën e betejës, deklaroi dje admirali dhe kreu i Komitetit Ushtarak të NATO-s, Rob Bauer.

Deklarata e tij erdhi gjatë një takimi të Komitetit Ushtarak me shefat e Shtabit të Mbrojtjes.

“Nuk ka asgjë që ata nuk mund të bëjnë. Ata thjesht kanë nevojë për ndihmën tone”, tha Bauer.

© SYRI.net

Lexo edhe:

• Një foto në Luginën e Vdekjes, temperaturat ekstreme në Kaliforni po ndryshojnë speciet bimore
• Ish-këshilltari i Donald Trump, Steve Bannon, dënohet me 4 muaj burg, reagimi: Asgjë s’do të më mbyllë gojën!
• Macron e konfirmon: Avionë francezë 'Mirage 2000' për Ukrainën