Japonia i ka bërë thirrje Kinës që t'u kërkojë qytetarëve të saj të ndalojnë aktet e ngacmimeve "jashtëzakonisht për të ardhur keq" pasi Japonia filloi të lëshojë në det, ujëin toksik të përpunuar nga termocentrali i saj bërthamor i Fukushimës.
Kryeministri japonez Fumio Kishida i ka kërkuar Kinës të hënën që t'i nxisë qytetarët e saj të ndalojnë aktet e ngacmimit, duke përfshirë thirrjet fyese dhe gjuajtjet me gurë të objekteve dhe shkollave diplomatike japoneze.
Ngacmimet erdhën pasi Japonia filloi të derdhë ujëra të ndotura radioaktive të trajtuara nga termocentrali i saj i dëmtuar i Fukushimës.
Kryeministri japonez tha se zv.ministri i Punëve të Jashtme, Masataka Okano thirri ambasadorin e Kinës, Ëu Jianghao, për t'i kërkuar që populli kinez të vepronte me qetësi dhe përgjegjësi.
Dhe ministri i Jashtëm i Japonisë, Yoshimasa Hayashi tha se ngacmimi ishte "jashtëzakonisht për të ardhur keq dhe shqetësuese".
Lëshimi i ujërave toksike të përpunuara në oqeanin Paqësor, i cili filloi të enjten dhe pritet të vazhdojë për dekada, është kundërshtuar ashpër nga grupet e peshkimit dhe shtetet fqinje.
© SYRI.net
Orteku vret dy persona në Alpet zvicerane
Policia shpall të paligjshme protestën ndaj Netanjahut, shpërndan me dhunë manifestuesit
Fundoset varka në lumin Danub në Hungari, humbin jetën 2 persona, zhduken 5 të tjerë
Denonco
Merrni lajmet më të fundit nga SYRI.net në çdo moment dhe kudo që të jeni!
