Kina u ka kërkuar ambasadave të huaja që të heqin "propagandën politike" për të "shmangur shkaktimin e mosmarrëveshjeve midis vendeve".
Ambasadave të huaja në Pekin u është kërkuar nga qeveria kineze që të shmangin shfaqjen e asaj që ajo e quan propagandë me simbolet e mbështetjes për Ukrainën.
Kina thotë se është neutrale në pushtimin 15-mujor të Ukrainës nga Moska, por ka përsëritur justifikimet ruse, duke akuzuar Uashingtonin dhe NATO-n se po provokojnë Moskën.
Një i dërguar kinez vizitoi Ukrainën këtë javë dhe do të shkonte në Rusi për të diskutuar një "zgjidhje politike" të mundshme, megjithëse pritet pak përparim.
Ministria e Jashtme kineze u kërkoi misioneve diplomatike javën e kaluar që të mos përdorin muret e tyre të jashtme për të shfaqur "propagandë politike", sipas një zëdhënësi të Bashkimit Evropian dhe një diplomati nga një qeveri evropiane.
Kërkesa e 8 majit thoshte se duhej veprim për të “shmangur shkaktimin e mosmarrëveshjeve midis vendeve”, por nuk përcaktoi propagandën apo jepte detaje të tjera, shkroi në një deklaratë zëdhënësja e BE-së Nabila Massrali.
© SYRI.net