Dy oficerë të lartë ushtarakë rusë janë vrarë në Ukrainën lindore, tha Ministria e Mbrojtjes e Moskës të dielën, teksa Kievi u zotua se kundërofensiva e shumëpritur e tij do të çlirojë zonat e pushtuara të Ukrainës.
Zyrtarët rusë pohuan në një deklaratë të lëshuar të dielën se ata po zmbrapsnin sulmet ukrainase rreth qytetit të kontestuar Bakhmut. Por ata pranuan se drejtuesit e lartë të ushtrisë kishin qenë mes viktimave në radhët e tyre.
“Komandanti i brigadës së 4-të të pushkëve të motorizuar, koloneli Vyacheslav Makarov, e drejtoi personalisht betejën nga fronti”, tha ministria. “Gjatë zmbrapsjes së një sulmi të tretë, komandanti i brigadës u plagos rëndë dhe vdiq gjatë evakuimit nga fusha e betejës”.
Përveç kësaj, zëvendëskomandanti i korpusit të ushtrisë, koloneli Yevgeny Brovko, u vra gjithashtu, tha ministria, shkruan Politico, përcjell Syri.net Kosova
Në një samit në Berlin të dielën në mëngjes, presidenti ukrainas Volodymyr Zelenskyy tha se forcat e tij po hedhin bazat për një kundërofensivë të madhe. Megjithatë, ai mohoi një sërë pretendimesh të fundit se Kievi synon të godasë trupat ruse thellë brenda vendit fqinj.
“Ne nuk kemi as kohë dhe as fuqi për të sulmuar tokën ruse”, tha ai.
“Ne po përgatisim një kundërsulm për zonat e pushtuara ilegalisht bazuar në kufijtë tanë legjitimë të përcaktuar me kushtetutë, të cilët njihen ndërkombëtarisht”, shtoi lideri ukrainas.
Ukraina thotë se ka bërë një valë fitimesh territoriale ditët e fundit rreth Bakhmutit, i cili ka parë luftime të ashpra si pjesë e një bllokimi disajavor midis dy palëve.
© SYRI.net
Xi Jinping në Europë pas 5 vitesh, vizitë edhe në Serbi! CNN: Pse turi i presidentit kinez do të jetë një 'luftë e vështirë'
REL/ Përballja Biden-Trump, historike në shumëçka
Frikë për sulme, SHBA apel qytetarëve të saj: Bëni kujdes në Gjermani
Denonco
Merrni lajmet më të fundit nga SYRI.net në çdo moment dhe kudo që të jeni!
