Ukraina nuk ka plane të godasë objektiva në Rusi, tha sot presidenti i Ukrainës, Volodymyr Zelensky në Gjermani, ku Kievi siguroi një paketë të re të madhe ndihme të mbrojtjes.
"Ne nuk po sulmojmë territorin rus", tha ai pas bisedimeve në Berlin me kancelarin Olaf Scholz.
Scholz u zotua të mbështesë Ukrainën "për aq kohë sa të jetë e nevojshme", duke premtuar armë me vlerë 2.7 miliardë euro.
Kjo përfshin tanke të avancuara gjermane Leopard dhe më shumë sisteme kundërajrore për të mbrojtur Ukrainën nga sulmet pothuajse të përditshme vdekjeprurëse me raketa ruse dhe dron, shkruan BBC.
Rusia akuzon Ukrainën se ka goditur vazhdimisht objektiva brenda Rusisë, duke përfshirë një sulm të raportuar në Kremlinin e Moskës në fillim të këtij muaji.
Ukraina mohon akuzat, ndërsa thekson gjithashtu se ka të drejtën legjitime për të përdorur forcën dhe mjete të tjera për të de-okupuar plotësisht territoret e saj aktualisht nën kontrollin rus. Këto përfshijnë katër rajone në jug dhe lindje, si dhe gadishullin e Krimesë, të aneksuar nga Moska në 2014.
© SYRI.net
Xi Jinping në Europë pas 5 vitesh, vizitë edhe në Serbi! CNN: Pse turi i presidentit kinez do të jetë një 'luftë e vështirë'
REL/ Përballja Biden-Trump, historike në shumëçka
Frikë për sulme, SHBA apel qytetarëve të saj: Bëni kujdes në Gjermani
Denonco
Merrni lajmet më të fundit nga SYRI.net në çdo moment dhe kudo që të jeni!
