Ankara - Autoriteti i Menaxhimit të Fatkeqësive dhe Emergjencave i Turqisë ka bërë të ditur se numri i të vdekurve nga dy tërmetet e fuqishme që goditën Turqinë jugore më 6 shkurt është rritur në 42.310.
AFAD njoftoi se dy tërmetet me qendër në Kahramanmaras u pasuan nga 7.184 pasgoditje.
Tërmetet me magnitudë 7.7 dhe 7.6 ballë goditën edhe dhjetë provinca të tjera, respektivisht provincat Adana, Adımay, Diyarbakır, Hatay, Gaziantep, Malatya, Kilis, Osmaniye, Elaziğ dhe Şanlıurfa, ndërsa u prekën mbi 13 milionë njerëz, njofton Anadolu.
Disa vende në rajon, përfshirë Sirinë dhe Libanin, po ashtu ndjenë lëkundjet e forta që goditën Turqinë brenda më pak se dhjetë orë.
AFAD njoftoi se në zonën e tërmetit ekipet ngritën gjithsej 301.289 tenda dhe 6.375 kontejnerë që u dërguan nga ministritë dhe institucionet përkatëse, si dhe nga vende të tjera dhe organizata ndërkombëtare. Më tej, tha se gjithsej 14.740 personel vendas dhe ndërkombëtar i kërkim-shpëtimit janë duke punuar aktualisht në terren.
Katër qendra të lëvizshme të shërbimit social u caktuan për përpjekjet e mbështetjes psikologjike të fatkeqësive në Kahramanmaraş, Osmaniye dhe Malatya. Gjithsej 698.244 persona kanë marrë mbështetje psikosociale, me 497.093 në zonën de tërmetit dhe 201.151 jashtë zonës së tërmetit.
© SYRI.net
Sa u përfshi SHBA në misionin e shpëtimit të katër pengjeve izraelite?
Dita më e përgjakshme në 8 muaj luftë, vriten mbi 200 palestinezë gjatë shpëtimit të 4 izraelitëve
Masat e BE ndaj Kosovës, Borrell dorëzon javës që vjen raportin mbi progresin e reformave, çfarë pritet të ndodhë
Denonco
Merrni lajmet më të fundit nga SYRI.net në çdo moment dhe kudo që të jeni!
