Presidenti i Shteteve të Bashkuara të Amerikës, Joe Biden, ka thënë se ShBA dhe partnerët e saj perëndimorë, këtë javë, pritet t’i vendosin sanksione të tjera Rusisë, tash që po bëhet një vit prej kur ka filluar pushtimi i paprovokuar rus në Ukrainë.
Në një adresim publik nga kryeqyteti i Polonisë, Varshava, Biden tha se, përmes këtyre sanksioneve, kushdo që fshihet pas këtij sulmi do të japë llogari, raporton Sky News.
Presidenti amerikan, i cili dje ishte në vizitë historike në Ukrainë për herë të parë që kur filloi lufta, gjithashtu shtoi se, vitin e ardhshëm, do të presë “çdo anëtar të NATO-s” në një samit në SHBA.
Sipas Biden, angazhimi i Amerikës ndaj aleancës ushtarake perëndimore është “i fortë”.
“Një sulm kundër njërit është një sulm kundër të gjithëve,” deklaroi ai.
Kujtojmë se 24 shkurti i këtij viti shënon një-vjetorin e fillimit të pushtimit rus në Ukrainë.
© SYRI.net
Izraeli vazhdon ndalimin e Al Jazeera-s me arsyen se 'përbën kërcënim për sigurinë'
Parlamenti Europian pritet të ‘zhvendoset’ djathtas pas numërimit të votave
Kolumbia pezullon eksportet e qymyrit në Izrael për shkak të luftës në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
