Uebsajtet e mediave shtetërore ruse që transmetonin fjalimin e Vladimir Putin në parlamentin rus u ranë kur ai po mbante fjalimin.
Gazetarët e Reuters në vende të ndryshme nuk ishin në gjendje të hynin në faqen e internetit të Korporatës Shtetërore të Transmetimeve Gjith-Ruse (VGTRK) ose në platformën e transmetimit të drejtpërdrejtë Smotrim për pjesë të fjalimit.
Në një mesazh në faqen e internetit VGTRK thuhej se "puna teknike është në zhvillim e sipër" , ndërsa faqja e internetit Smotrim nuk u ngarkua.
Disa orë para fillimit të fjalimit, rrjetet televizive shtetërore transmetuan pamjet e përgatitjeve teknike për transmetimin e drejtpërdrejtë me informacionin se transmetimi i drejtpërdrejtë do të shkojë në të gjitha rrjetet kryesore televizive ruse.
Agjencia shtetërore RIA Novosti raportoi se dështimi është rezultat i një sulmi DDoS (distributed denial of service) , një lloj sulmi kibernetik i kryer duke mbingarkuar qëllimisht rrjetin me një vëllim të madh lidhjesh që shkakton ndalimin ose rrëzimin e serverit.
Reuters nuk ishte në gjendje të konfirmonte arsyen e ndërprerjes.
© SYRI.net