Këto filmime kanë nxjerrë zbuluar shtetasit turq, të cilët kishin ndërtuar një linjë të trafikut të kanabisit përmes aeroportit të Rinasit. Ata janë fiksuar teksa kanë lënë makinën në afërsi të një pike karburanti fare pranë terminalit të aeroportit.
Makina e tipit ‘Fiat’, e marrë me qira prej tyre, rezultoi të jetë përdorur në të 2 ngarkesat e kaluara drejt Stambollit më 2 dhe 8 Tetor. Në të dyja rastet, valixhet me nga 30 kilogramë kanabis secila, u kapën nga autoritetet turke, bën të ditur TvKlan.
Hetimet e zhvilluara nga Komisariati i Rinasit dhe sektori i narkotikëve në Policinë e Tiranës zbuluan se për të vënë në jetë këtë rrugë trafiku, 6 turqit e arrestuar kishin 1 person që i drejtonte. Dyshimet janë për Utku Kaya, një prej të arrestuarve, që shihet në këto pamje ekskluzive të marra nga disa kamera sigurie.
Ai dyshohet se kujdesej për çdo detaj të ngarkesave që nisej. Për të fshehur gjurmët, njëri nga trafikantët kishte hapur një biznes në fushën e produkteve industriale.
Prokuroria e Tiranës i ka shtrirë hetimet edhe tek kontrollorët e bagazheve, por deri tani në pranga janë vetëm 6 shtetasit turq. /TvKlan
© SYRI.net
Ish-këshilltari i Donald Trump, Steve Bannon, dënohet me 4 muaj burg, reagimi: Asgjë s’do të më mbyllë gojën!
Macron e konfirmon: Avionë francezë 'Mirage 2000' për Ukrainën
Irlanda dhe Çekia nisin të votojnë për zgjedhjet e Parlamentit Evropian
Denonco
Merrni lajmet më të fundit nga SYRI.net në çdo moment dhe kudo që të jeni!
