Zëvendësministri i Punëve të Jashtme i Ukrainës, Andriy Melnik, ka kërkuar aeroplanë luftarakë perëndimorë, anije dhe tanke, pas premtimit të SHBA për të dërguar sistemet raketore Patriot në Ukrainë.
Ukraina është shumë mirënjohëse për “lëvizjet e reja të guximshme” të SHBA-së, tha Melnik, transmeton Telegrafi.
“Por dihet se ka ende tabu që duhen thyer. Na duhen urgjentisht tanke perëndimore, aeroplanë luftarakë, anije, sisteme raketore dhe municione. Kjo është dëshira jonë e vetme për Krishtlindje”, ka thënë ish-ambasadori i Ukrainës në Gjermani, i cili shtoi se përndryshe, lufta do të shkaktojë edhe më shumë vuajtje, vdekje dhe shkatërrim të Ukrainës.
Ai vlerësoi se presidenti rus Vladimir Putin po përgatit ushtrinë dhe qytetarët e tij për një luftë të gjatë, dhe po mobilizon të gjitha burimet që i ka në dispozicion.
“Ukrainasit janë gati të luftojnë për çlirimin e atdheut të tyre, duke përfshirë Krimenë, deri në frymën e tyre të fundit. Kjo është e sigurt, pavarësisht se çfarë do të bëjnë aleatët tanë”, theksoi ai.
Melnik refuzoi të negociojë me Rusinë dhe e quajti dëshirën e pretenduar të Kremlinit për negociata, “një bllof të plotë”.
Ai kategorikisht hodhi poshtë mundësinë që Ukraina të heqë dorë nga ndonjë pjesë e territorit të saj.
“Kievi e konsideron të papranueshme. Kjo nuk do të ndodhë”, tha Melnik.
© SYRI.net
4 të vdekur dhe mbi 20 të plagosur në një përplasje trenash në Çeki
‘Po vodhe je kryeministër, po akuzove azilant’/ Abilekaj: Rama nuk e shpëton dot lëkurën, faktet janë aty
Spanja i bashkohet çështjes së gjenocidit të ngritur nga Afrika e Jugut kundër Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
