Eurodeputetja greke Eva Kaili do të qëndrojë edhe një muaj tjetër në paraburgim, pas një vendimi të një gjykate në Belgjikë.
Avokatët e ish-zëvendëspresidentes së Parlamentit Evropian që dyshohet se është në qendër të një prej skandaleve më të mëdha të korrupsionit të Bashkimit Evropian kishin kërkuar lirimin e saj nga burgu, duke i vënë thjesht një pajisje gjurmuese policore.
Megjithatë, pas seancës, gjykata tha se do të “zgjatet paraburgimi” edhe me një muaj.
Avokatët e Kailit kanë tashmë 24 orë kohë për ta ankimuar këtë vendim dhe nëse vendosin ta bëjnë këtë, Kaili do të paraqitet në Gjykatën e Apelit të Brukselit brenda 15 ditëve.
Prokurorët belge e akuzojnë Eva Kailin për korrupsion, anëtarësim në një organizatë kriminale dhe pastrim parash. Ajo është në paraburgim që nga 9 dhjetori, ndërsa partneri i saj Francesco Giorgi, këshilltar në Parlamentin Europian, është gjithashtu i burgosur për të njëjtat akuza.
© SYRI.net
Gaza/ OKB: Liderët më të interesuar për pushtet sesa për t’i dhënë fund konfliktit
Masat ndaj Izraelit/ Sanchez: Urgjente që të gjithë të mbështesin GJND-në
Analistët amerikanë: Hamasi ka besim se mund t’i mbijetojë luftës
Denonco
Merrni lajmet më të fundit nga SYRI.net në çdo moment dhe kudo që të jeni!
