Me duartrokitje të ngrohta, eurodeputetët pritën të mërkurën në Parlamentin Evropian zonjën e parë të Ukrainës, Olena Zelenska, e cila mori pjesë në fjalimin e presidentes së Komisionit Evropian, Ursula von der Leyen.
“Është një nder i madh që kemi Olena Zelenska me ne në këtë ditë të rëndësishme”, tha presidentja e Parlamentit Evropian, Roberta Metzola.
Eurodeputetët e pranishëm u ngritën në këmbë dhe duatrokitën gjatë bashkëshorten e presidentit ukrainas Volodymyr Zelensky.
“Për herë të parë në historinë e tij, Parlamenti Evropian po debaton për gjendjen e Bashkimit tonë, ndërkohë që lufta është ndezur në tokën evropiane”, tha Ursula von der Leyen, e veshur me ngjyrat e Ukrainës.
“E dashur Olena, u desh një guxim i madh për t'iu kundërvënë brutalitetit të Putinit. E gjete atë guxim. Sot duam t'ju falënderojmë ju dhe të gjithë ukrainasit."
Një skenariste me profesion, Olena Zelenska, që nga fillimi i luftës në vendin e saj në shkurt, ka bërë që zëri i saj të dëgjohet gjithnjë e më shumë në favor të popullit ukrainas.
Standing ovation for First Lady of Ukraine Olena Zelenska pic.twitter.com/ay5vg91AJf
— Barry Andrews MEP (@BarryAndrewsMEP) September 14, 2022
© SYRI.net