Koreja e Veriut mund të ndërtojë punëtorë në dy rajonet e kontrolluara nga Rusia në lindje të Ukrainës. Kështu bëri të ditur ambasadori i Rusisë në Korenë e Veriut, Alexander Matsegora.
Ai tha se punëtorët nga Koreja e Veriut mund të ndihmojnë për të rindërtuar rajonin e shkatërruar të Donbasit. Sipas Guardian, një lëvizje e tillë sfidon sanksionet ndërkombëtare ndaj Koresë së Veriut.
“Ka shumë mundësi për bashkëpunim mes Koresë së Veriut dhe republikave të Donbasit,” tha ambasadori.
“Punëtorët e kualifikuar dhe të palodhur nga Koreja e Veriut, që janë të aftë të punojnë në kushtet më të vështira, mund të na ndihmojnë të rindërtojmë infrastrukturën”, tha ai.
Komentet e tij vijnë pasi Koreja e Veriut u bë një nga pak vende që ka njohur dy territoret pro-ruse, duke akuzuar qeverinë ukrainase se është pjesë e skemës armiqësore të Uashingtonit kundër Koresë së veriut.
Ukraina ndërpreu marrëdhëniet diplomatike me Korenë e Veriut dhe deklaroi me zemërim se ky vend po minon sovranitetin dhe integritetin territorial të Ukrainës.
Koreja e Veriut ka fituar zakonisht valutë të huaj, aq e nevojshme për vendin, duke dërguar punëtorë jashtë vendit. Por sipas sanksioneve të OKB, Koresë së Veriut nuk i lejohet diçka e tillë pas vitit 2019. Megjithatë vendi komunist i ka sfiduar këto sanksione.
© SYRI.net
Macron dhe von der Leyen, trysni Presidentit kinez në lidhje me tregtinë
Çfarë janë armët bërthamore taktike dhe përse Rusia do të ushtrojë me to
Universiteti i Kolumbias anulon ceremoninë kryesore të diplomimit pas protestave pro-palestineze
Denonco
Merrni lajmet më të fundit nga SYRI.net në çdo moment dhe kudo që të jeni!
