Katër persona janë qëlluar me armë zjarri në një klub nate në Marbella, pasi një person i armatosur u inatos në pistën e mbushur me njerëz, shkruan Dailymail.
Të shtënat ndodhen në orët e para të mëngjesit të sotëm në Opium Beach Club, një klub i njohur për turistët britanikë.
Pamjet e publikuara në internet tregojnë një përleshje që shpërthen mes të ftuarve në seksionin VIP, para se sulmuesi të nxirrte armën e tij, duke shkaktuar një rrëmujë të madhe teksa pjesmarrësit largoheshin me vrap nga vendi i ngjarjes.
Por më pas sulmuesi është goditur me thikë në kokë dhe në trup, thanë burimet dhe ndodhet në gjendje të rëndë në spital.
Ndërsa burimet policore thanë se personi i armatosur ishte holandez.
Të gjithë personat e qëlluar janë shtruar në spital dhe gjendja e tyre shëndetësore nuk është ende e qartë.
Një fqinj që jetonte afër vendit të ngjarjes i tha një gazete lokale:
'Nuk mund të flija për shkak të zhurmës së muzikës dhe papritmas dëgjova katër të shtëna. Pashë nga ballkoni dhe e kuptova menjëherë se nuk ishte zhurma e fishekzjarreve si netët e tjera’.
DJ afrikano-jugor Black Coffee, emri i vërtetë i të cilit është Nkosinathi Innocent Maphumulo, ishte ndër ata që do të performonin në Opium Beach Club mbrëmë.
© SYRI.net
Globalizimi duhej t'i përafronte vlerat e botës, por ato po largohen
Situata në Rafah është jashtëzakonisht shqetësuese, thotë agjencia e OKB-së
Mbikqyrësi bërthamor i OKB kërkon kontrolle më të ashpra mbi programin nuklear të Iranit
Denonco
Merrni lajmet më të fundit nga SYRI.net në çdo moment dhe kudo që të jeni!
