Ivanka Trump shprehu pikëllimin e thellë për vdekjen e papritur të nënës së saj përmes një postimi në Instagram me foto nga fëmijëria e saj në krahët e Ivanës.
‘Jam e shkatërruar nga vdekja e nënës sime. Ishte brilante, pasionante dhe e jashtëzakonshme. Ajo ishte model i forcës, këmbënguljes dhe vendosmërisë në çdo veprim që ndërmerrte. Ajo e jetoi jetën në maksimum, duke mos humbur asnjë rast duke qeshur dhe kërcyer. Do të më mungojë përgjithmonë dhe kujtimin e saj do ta mbajë gjallë në zemrat tona’ ka shkruar vajza e ish-presidentit amerikan në Instagram.
Ishte vetë Donald Trump që njoftoi mbrëmë se ish-bashkëshortja e tij, ndërroi jetë në moshën 73 vjeçare.
‘Me pikëllim të madh informoj të gjithë ata që e donin, prej të cilëve ka shumë se Ivana ndërroi jetë në shtëpinë në saj në Nju Jork’ tha Donald Trump në një mesazh në platformen e mediave sociale Truth Social.
“Nëna jonë ishte një grua e jashtëzakonshme- një bukuri rrezatuese dhe një mike e dashur’ shkroi familja Trump në deklaratën e tyre.
Në njoftim nuk specifikohet shkaku i vdekjes, megjithatë më vonë u bë e ditur se Ivana Trump u gjet pa ndjenja në shkallët e shtëpisë së saj në Manhattan mbasditen e së enjtes, ndërsa më vonë u dha lajmi i hidhur.
Shkaku zyrtar i vdekjes do të bëhet i ditur pas përfundimit të autopsisë.
Ivana Trump ishte gruaja e parë e Donald Trump, me të cilin kishte tre fëmijë: Donald Jr., Ivanka dhe Eric.
Ajo lindi më 20 shkurt 1949 në ish Çekosllovaki.
Ajo u zhvendos në Kanada në vitet 1970 dhe më pas në Shtetet e Bashkuara, ku u martua me Donald Trump në 1977.
© SYRI.net