Në një intervistë ekskluzive për Agjencinë Athino-Maqedonase të Lajmeve, Sekretari i Përgjithshëm i NATO-s Jens Stoltenberg ka folur dhe për marrëdhëniet e tensionuar mes Greqisë dhe Turqisë.
Lidhur me këtë ccështje Sekretari i Përgjithshëm i NATO-s ka rekomanduar dialogun, por në të njëjtën kohë thekson se në rrethanat e vështira aktuale, aleatët nuk duhet të bëjnë deklarata apo veprime provokuese.
Stoltenberg është shprehur:
" Nuk duhet të habitemi që ndonjëherë ka mosmarrëveshje të forta midis vendeve tona. Por pikëpamjet dhe debatet e ndryshme janë një pjesë thelbësore e demokracive tona. Si Greqia dhe Turqia kanë qenë aleatë të përkushtuar për dekada dhe çdo ditë , Greqia dhe Turqia punojnë së bashku në NATO, së bashku me 28 aleatë të tjerë, për të përballuar sfidat më urgjente të sigurisë."
Në vazhdim ai shtoi se Mesdheu është jetik për NATO-n.
“Greqia, Turqia dhe shumë aleatë dhe vende të tjera veprojnë atje rregullisht. Në të kaluarën ka pasur aksidente me forcat greke dhe turke dhe ne duhet të bëjmë gjithçka që mundemi për të ndihmuar në uljen e rrezikut të 'aksidenteve' të tilla në të ardhmen. Është në interesin e të gjithëve që të shmanget përsëritja e situatave të tilla. Në vitin 2020 , NATO ndihmoi në krijimin e një mekanizmi të shkëputjes ushtarake midis Greqisë dhe Turqisë për të zvogëluar rrezikun e incidenteve në Mesdheun Lindor. Kjo përfshin një linjë të hapur komunikimi midis Greqisë dhe Turqisë, për të lehtësuar shkëputjen në det ose në ajër”.
© SYRI.net
Fitore bindëse e të djathtës/ Ja kush do ta qeverisë tani Europën
Lista e partisë së djathtë të Le Pen-it 'shkërmoqi' Macron/ Presidenti shpërndan parlamentin francez 
'Demokracia e Re' triumfon në Greqi/ I treti më i votuar, Fredi Beleri drejt Parlamentit Europian
Denonco
Merrni lajmet më të fundit nga SYRI.net në çdo moment dhe kudo që të jeni!
