Kandidatja për presidente franceze, Marine Le Pen tha se ajo mbështet gjerësisht sanksionet kundër Rusisë, përveç kur bëhet fjalë për furnizimet me naftë dhe gaz.
Politikanja e ekstremit të djathtë do të garojë me Emmanuel Macron për presidencën në balotazhin e zgjedhjeve, pasi mori rezultatin e saj më të lartë ndonjëherë në raundin e parë.
Por ajo është përballur me kritika për mbështetje ndaj Rusisë në luftën me Ukrainën.
"Unë jam plotësisht në favor të të gjitha sanksioneve të tjera," tha zonja Le Pen.
Ajo tha: "Unë nuk dua që francezët të vuajnë pasojat e sanksioneve për naftën dhe gazin."
Franca, si shumë vende të tjera evropiane, importon një pjesë të madhe të gazit të saj natyror përmes tubacioneve nga Rusia, duke e përdorur atë për energji.
Por zonja Le Pen është kritikuar nga rivalët për mbështetjen e saj të mëparshme për Rusinë dhe presidentin e saj, Vladimir Putin.
Ajo më parë dukej se mbështeste aneksimin e Rusisë të gadishullit të Krimesë së Ukrainës dhe në vitin 2017 bëri thirrje për heqjen e sanksioneve ndërkombëtare për këtë çështje.
Në vitin 2014, kur Krimea u aneksua nga Rusia, partia e saj politike mori një kredi nga një bankë ruse me lidhje të dyshuara me Kremlinin.
Zonja Le Pen i justifikoi vërejtjet e saj të mëparshme duke thënë se aneksimi i Krimesë ishte një situatë e ndryshme nga pushtimi aktual i Ukrainës.
Pavarësisht zbutjes së qëndrimit të saj për largimin nga Bashkimi Evropian dhe çështje të tjera nacionaliste në vitet e fundit, ajo ende kundërshtohet gjerësisht nga pjesa më e madhe e establishmentit politik të Francës.
Sondazhet kanë treguar se beteja përfundimtare midis Macron dhe zonjës Le Pen mund të jetë jashtëzakonisht e ngushtë , me parashikimet që tregojnë për një fitore prej 51% -49% për Macron.
© SYRI.net
Xi Jinping në Europë pas 5 vitesh, vizitë edhe në Serbi! CNN: Pse turi i presidentit kinez do të jetë një 'luftë e vështirë'
REL/ Përballja Biden-Trump, historike në shumëçka
Frikë për sulme, SHBA apel qytetarëve të saj: Bëni kujdes në Gjermani
Denonco
Merrni lajmet më të fundit nga SYRI.net në çdo moment dhe kudo që të jeni!
