Sot, seanca e apelit në Rusi për ish-marinsin amerikan të burgosur

08:16, 12/04/2022

Trevor Reed, një shtetas amerikan i ndaluar në Rusi prej gati tre vjetësh, ka një seancë apeli të planifikuar për të martën në mëngjes, njoftoi CNN duke cituar agjencinë shtetërore ruse të lajmeve, TASS.

Reed kishte filluar një grevë të dytë urie në shenjë proteste ndaj trajtimit të tij nga autoritetet ruse, sipas prindërve të tij, të cilët u takuan me Presidentin Joe Biden muajin e kaluar pasi mbajtën një protestë jashtë Shtëpisë së Bardhë për të ndërgjegjësuar mbi rastin e djalit të tyre.

Lidhur me apelimin e ardhshëm gjyqësor, prindërit Joey dhe Paula Reed thanë në një deklaratë se "kanë pak shpresë për një rezultat të suksesshëm gjyqësor", por besojnë se të drejtat e apelit të djalit të tyre duhet të kërkohen "me forcë".

"Gjatë fundjavës, ne qemë në gjendje të rivendosnim kontaktin indirekt me Trevor, i cili mbetet në spital me sa dimë. Ne nuk kemi qenë në gjendje ta konfirmojmë drejtpërdrejt, as nuk jemi në gjendje të konfirmojmë se Trevor po merr ndonjë kujdes mjekësor domethënës, "- thanë prindërit e Reed në deklaratë.

"Siç kemi thënë, Trevor ka qenë në këtë “spital burgu” shumë herë dhe nuk ka marrë asnjë kujdes mjekësor. Gjatë 970 ditëve të fundit, autoritetet ruse kanë gënjyer vazhdimisht për shëndetin e Trevorit dhe vazhdojnë të besojnë se ai ka të ngjarë të ketë tuberkulo.  Ne i bëjmë thirrje administratës që të veprojë urgjentisht për ta sjellë djalin tonë në shtëpi para se të jetë tepër vonë.”

Për dijeni: Reed, një ish-marins amerikan, u arrestua në Moskë në vitin 2019 se gjoja rrezikoi oficerët e policisë ruse gjatë një sherri. Në vitin 2020, ai u dënua me nëntë vjet burg.

Babai i tij i tha CNN muajin e kaluar se një avokat ishte në gjendje të kalonte një shënim të shkruar me dorë nga Reed në të cilin ai thoshte "ai është mirë", por kur kollitej nxirrte gjak dhe po merrte vetëm aspirinë për trajtim.

"Trevor kishte një lloj dëmtimi ku ai mendon se mund të ketë një brinjë të thyer. Plus, ai ka të gjitha simptomat e tuberkulozit aktiv. Ai shkoi në një spital burgu për rreth 10 ditë. Dhe pastaj ata nuk e trajtuan atë. Ata përdorën një grafi me rreze X që nuk funksionoi”, tha Joey Reed.

"Dhe kur e kthyen në burgun e tij, ai tha: "Duhet të kthehem. Unë jam ende i lënduar dhe i sëmurë". Dhe e futën përsëri në izolim, ku kishte qenë për shumicën e shtatë muajve të fundit. Pra, ai po proteston për këtë. Kjo është kundër të gjitha rregulloreve ruse dhe të drejtave evropiane të njeriut."

Joey Reed kishte thënë më parë se ishte i shqetësuar se pushtimi rus i Ukrainës do të përkeqësojë fatin e djalit të tij.

© SYRI.net

Lexo edhe:

• Xi Jinping në Europë pas 5 vitesh, vizitë edhe në Serbi! CNN: Pse turi i presidentit kinez do të jetë një 'luftë e vështirë'
• REL/ Përballja Biden-Trump, historike në shumëçka
• Frikë për sulme, SHBA apel qytetarëve të saj: Bëni kujdes në Gjermani