Dy burra kanë vdekur në rajonin Queensland të Australisë, ndërsa disa komunitete kanë mbetur të izoluara pas reshjeve të dendura të shiut, që shkaktuan vërshime.
Policia tha se trupi i një burri 52-vjeçar u gjet të martën disa orë pasi ishte zhdukur, kur barka e tij ishte përmbytur në ujërat e vërshimeve përderisa po i kërkonte kafshët bashkë me dy familjarë.
Dy familjarët ia dolën që të arrinin në një vend të sigurt, por burri u bë viktima e dytë e vërshimeve të shkaktuara nga reshjet e Ciklonit Seth, shkruan Daily Mail, përcjell Gazeta Express.
Trupi i një 22-vjeçari u gjet të shtunën në një vend tjetër, ndërsa policia është e shqetësuar për një vajzë 14-vjeçare, e cila është zhdukur që tri ditë.
Policia, zhytësit dhe vullnetarët, të ndihmuar nga helikopterët, janë duke kërkuar shenja të adoleshentes, por zyrtarja policore, Katarina Carroll, tha se operacioni i kërkimit mund të zvogëlohet.
“Kemi ekspertë që na këshillojnë për këtë, se njerëzit mund të mbijetojnë vetëm disa ditë të caktuara”, tha ajo të martën para gazetarëve.
© SYRI.net
BE zbulon: Ka eurodeputetë që fitojnë miliona nga burime të jashtme
MPJ e Izraelit reagon pas vrasjes së 3 ushtarëve izraelitë: Hamasi s’është i interesuar për armëpushim
16 viktima nga një sulm ajror izraelit, nis evakuimi i palestinezëve nga zona Rafah
Denonco
Merrni lajmet më të fundit nga SYRI.net në çdo moment dhe kudo që të jeni!
