Prokuroria e Nju-Jorkut ka nisur hetimet për një incident tragjik, të ndodhur në një rajon policie në fshatin Ketskill (Catsill), ku një i ri merr flakë pasi goditet nga një efektiv me pistoletë elektrike. Më pas ai ndërron jetë në spital nga plagët.
Avokati i viktimës, të identifikuar si Jason Jones, tha se ai ishte shoqëruar në rajon pasi kishte refuzuar të largohej nga një lokal, edhe pse ishte në gjendje të dehur.
Në videon e piublikuar nga hetuesit shihet që Jones bën veprime të çrregullta brenda rajonit dhe pasi heq bluzat lyhet me dezinfektant. Në një moment, një prej efektivëve që po përpiqet ta ndalojë, e qëllon me pistoletë elektrike dhe Jones merr menjëherë flakë. Ngjarja ndodhi më 10 dhjetor, ndërsa pesë ditë më pas, 29-vjeçari ndërroi jetë në reanimacion.
Qendra Amerikane e Kontrollit të Sëmundjeve thotë se dezifektanti ka lëngje që marrin flakë, por mundësia që kjo të ndodhë nga një pistoletë elektrike është e pakët.
© SYRI.net
BE zbulon: Ka eurodeputetë që fitojnë miliona nga burime të jashtme
MPJ e Izraelit reagon pas vrasjes së 3 ushtarëve izraelitë: Hamasi s’është i interesuar për armëpushim
16 viktima nga një sulm ajror izraelit, nis evakuimi i palestinezëve nga zona Rafah
Denonco
Merrni lajmet më të fundit nga SYRI.net në çdo moment dhe kudo që të jeni!
