Autoritetet në Kazakistan thanë të hënën se gati 8,000 persona u arrestuan nga policia gjatë protestave që u shndërruan në dhunë javën e kaluar dhe shënuan trazirat më të rënda me të cilat është përballur ish-kombi sovjetik qëkurse fitoi pavarësinë 30 vjet më parë.
Presidenti Kassym-Jomart Tokayev i përshkroi të hënën ngjarjet e javës së kaluar si një "agresion terrorist" kundër vendit dhe i hodhi poshtë raportet e autoriteteve se po luftonin kundër demonstruesve paqësorë si "dezinformuese".
Ministria e Brendshme e Kazakistanit raportoi se gjithsej 7,939 persona janë arrestuar në të gjithë vendin. Komiteti i Sigurisë Kombëtare, agjencia e kundërzbulimit dhe antiterrorizmit e Kazakistanit, tha të hënën se situata në vend është “stabilizuar dhe është nën kontroll”.
Autoritetet kanë shpallur të hënën ditë zie për dhjetëra viktima të trazirave të dhunshme të paprecedentë. Ministria e Shëndetësisë e vendit tha të dielën se 164 njerëz, përfshirë tre fëmijë, u vranë në trazirat.
Demonstratat filluan më 2 janar për një gati dyfishim të çmimeve për një lloj karburanti automjetesh dhe u përhapën shpejt në të gjithë vendin, duke reflektuar me sa duket pakënaqësi më të gjerë për qeverinë autoritare.
Duke bërë një lëshim, qeveria njoftoi një kufi çmimi 180-ditor për karburantin e automjeteve dhe një moratorium për rritjen e tarifave të shërbimeve.
Me rritjen e trazirave, kabineti ministror dha dorëheqjen dhe presidenti Kassym-Jomart Tokayev e zëvendësoi Nursultan Nazarbayev, ish-udhëheqës shumëvjeçar i Kazakistanit, si kreu i Këshillit të Sigurisë Kombëtare.
Një nga sloganet kryesore të protestave të javës së kaluar, "Plakushin jashtë", ishte një referencë për Nazarbayev, i cili shërbeu si president që nga pavarësia e Kazakistanit derisa dha dorëheqjen në vitin 2019 dhe pagëzoi Tokayev si pasuesin e tij. Po Nazarbayev kishte ruajtur një pushtet të konsiderueshëm në krye të Këshillit të Sigurisë Kombëtare.
Pavarësisht lëshimit, protestat u kthyen jashtëzakonisht të dhunshme për disa ditë, me ndërtesat qeveritare të djegura dhe dhjetëra njerëz të vrarë. Në Almaty, qyteti më i madh i Kazakistanit, protestuesit sulmuan dhe pushtuan për pak kohë aeroportin. Prej disa ditësh, në rrugët e qytetit u raportuan të shtëna sporadike.
Autoritetet shpallën një gjendje të jashtëzakonshme për shkak të trazirave dhe Tokayev kërkoi ndihmë nga Organizata e Traktatit të Sigurisë Kolektive, një aleancë ushtarake e udhëhequr nga Rusia e gjashtë shteteve ish-sovjetike. Grupi ka autorizuar dërgimin e rreth 2,500 trupave kryesisht ruse në Kazakistan si paqeruajtës.
© SYRI.net
Xi Jinping në Europë pas 5 vitesh, vizitë edhe në Serbi! CNN: Pse turi i presidentit kinez do të jetë një 'luftë e vështirë'
REL/ Përballja Biden-Trump, historike në shumëçka
Frikë për sulme, SHBA apel qytetarëve të saj: Bëni kujdes në Gjermani
Denonco
Merrni lajmet më të fundit nga SYRI.net në çdo moment dhe kudo që të jeni!
