Disa çiklistë janë përplasur në aksin Kuç-Qeparo teksa garonin në edicionin e 81-të të turit çiklistik të Shqipërisë.

Sipas informacioneve 3 prej tyre kanë mbetur të lënduar, ndërkohë janë dërguar në spital.

Çiklistët u përplasën teksa po kryenin etapën e katërt të këtij edicioni që përfshin itinerarin Vlorë-Himarë-Llogara.

Edicioni i 81-të i çiklizmit startoi më datë 20 Maj në sheshin ‘Skëndërbej’ në Tiranë.

Njoftimi i Policisë:

Rreth orës 14:40, në aksin rrugor Kuç-Qeparo, gjatë itinerarit të garës të etapës së katërt të Turit të 81-të Çiklistik të Shqipërisë, 3 prej çiklistëve dyshohen se kanë humbur kontrollin mbi drejtimin e biçikletave dhe si pasojë kanë dalë nga rruga. Të tre çiklistët janë transportuar në spital për ndihmë mjekësore.

Grupi hetimor po punon për zbardhjen e plotë të rrethanave të aksidentit.