Mauro Icardi duket i lumtur te Galatasaray dhe në planet e së ardhmes është qëndrimi sa më i gjatë në Stamboll.

Në një intervistë të dhënë së fundmi, argjentinasi i cili është te klubi turk në formë huazimi nga Paris Saint-Germain, theksoi se dëshiron të qëndrojë në Stamboll.

“Dua shumë të qëndroj në Stamboll. Në Paris isha me më të mirët në botë, por as m’i hidhnin sytë në rrugë. Këtu shoh një interesim të madh për mua”, shprehet ish-kapiteni i Interit, i cili deri në këto momente ka realizuar 10 gola në 17 ndeshje me Galatasarayn.