Mbrojtësi më i shtrenjtë në histori të Arsenalit i transferuar në merkaton verore që shkoi për 50 milion funte, Ben White ka dhënë një deklaratë interesante në prag të sfidës ndaj Crystal Palace.

White ka theksuar se ai nuk shikon futboll pasi gjithmonë “është i zënë duke bërë diçka”, dhe dëshiron të fokusohet gjithmonë vetëm për të luajtur futboll.

“Futbolli është aq intensiv,” tha ai për ‘Sky Sports News’ para vizitës në Crystal Palace dhe menaxherin e tyre të ri – ish-legjenda e Arsenalit, Patrick Vieira, për të cilin White pranon se ai di pak për të.

“Ju hyni çdo ditë duke dhënë 100 përqind. E tëra që dua të bëj është të shkoj në shtëpi dhe të mos mendoj për këtë, pastaj të hyj në mëngjes i freskët dhe gati për të dhënë përsëri 100 përqind.

“Unë e shikoj veten për arsye analitike. Unë shikoj Anglinë, ndoshta, por jam gjithmonë i zënë duke bërë diçka. Unë nuk do të ulesha vetëm dhe të shikoja një lojë.

“Unë kurrë nuk kam parë futboll kur isha më i ri. Unë ende nuk e shikoj tani. Unë thjesht e doja lojën, gjithmonë e luaja atë, kurrë nuk e shikoja.

“Kështu që unë nuk di shumë për brezat e vjetër, por e di që Vieira ishte një lojtar shumë i mirë. Por nuk i di detajet.”

White u fut direkt në planet e Artetës nga loja e parë e sezonit, duke startuar ndaj Brentford të promovuar që i pa ata të humbnin 2-0.

Por ai ka bërë katër starte të tjera që nga ajo kohë, pasi u shërua nga Covid-19 dhe ndihmoi ‘Topçinjtë’ të siguronin porta të paprekura në tre nga ato ndeshje.

“Ndeshja e parë nuk shkoi shumë mirë. Pastaj mora Covid dhe humba dy ndeshje. Pastaj ne u kthyem direkt dhe aty filluam,” tha ai.

“Unë nuk mendoj se përshtatja me një klub të madh (ishte një arsye për fillimin tim të ngadaltë). Nuk ndihesha si një klub i madh kur erdha këtu. Të gjithë janë aq të mirë dhe mikpritës.

“Portat e paprekura janë qëllimi për skuadrën. Unë nuk mendoj se janë vetëm katër mbrojtësit dhe portieri që mbajnë një portë të pastër – është i gjithë ekipi”, ka përfunduar White