Futbollisti i talentuar i Bayern, Jamal Musiala ka zbuluar shumë fakte interesante në lidhje me qëllimet e tij në futboll, të cilat do të jenë tema të mediave botërore në vitet në vazhdim.

Mesfushori i ri ofensiv lindi në Gjermani dhe më pas u shkoi në Angli, atdheun e babait të tij, ku hodhi hapat e parë në futboll. Ai u rrit në akademinë e Chelsea-t, por më pas u kthye në Gjermani pas transferimit tek Bayern.

Musiala ka luajtur deri më tani 48 ndeshje me fanellën e bavarezëve dhe ka shënuar 11 gola duke fituar dhe Bundesligën.

"Kur isha më i ri, qaja në shtëpi nëse nuk shënoja. Chelsea më pa gjatë një ndeshje në Southampton dhe më ofruan një provë. Nëna ime më pyeti nëse doja të luaja në Angli, pasi është një hap i madh, por nuk hezitova, thjesht doja të luaja. Isha nervoz sepse nuk flisja mirë anglisht. E mësova në gjashtë muaj, "tha Musiala për MOTDx.

Interview de Musiala ⬇️ https://t.co/miUyBZ3H6e

— Jamal Musiala Fr 🇫🇷 (@FrMusiala) October 14, 2021

Musiala merr pjesë rregullisht në kombëtaren gjermane dhe disa ditë më parë shënoi golin e parë kundër Maqedonisë së Veriut.

"Bayern më ftoi dhe unë besova në atë që më thanë. Tani gjithçka është aq komode. Në fillim isha nervoz kur pashë gjithë ata yje. Pas një kohe u bë normale dhe mund të them që tani jemi shokë, "shtoi futbollisti i ri.

Musiala po bën praktikën për të marrë patentën, teksa zbulon se mamaja e tij e çon në stërvitje dhe e merr.

"Nëna ime ende më çon në stërvitje dhe vjen të më marrë. Kjo është normale. Jam vetëm duke bërë praktikën për të marrë patentën e shoferit dhe do ta marr së shpejti," përfundoi futbollisti i ri.

18-vjeçari zgjodhi kombëtaren gjermane edhe pse luajti për moshat e Anglisë, prej nga është babai i tij.