Shitja e Newcastle United të Fondit Saudit për Investime Publike , të enjten sjellë skena të ngazëllyer nga St James Park, tifozët filluan të ëndërrojnë për të ardhmen e klubit për herë të parë në një kohë të gjatë, pasi pronwsisw sw 14 vjeçare tw Mike Ashley i erdhi fundi.

Njeriu që besohet se qëndron pas Fondit Saudit të Investimeve Publike është Princi i Kurorës i Arabisë Saudite, 36-vjeçari Mohammed bin Salman , megjithëse Premier League dëshironte të bënte të qartë se ai nuk do të ishte personi përgjegjës për marrjen e vendimeve në Newcastle .

"Premier League, Newcastle United Football Club dhe St James Holdings Limited kanë zgjidhur sot mosmarrëveshjen mbi marrjen e klubit nga konsorciumi i PIF, PCP Capital Partners dhe RB Sports & Media," lexohej në deklaratën e Premier League.

"Premier League tani ka marrë garanci ligjërisht detyruese se Mbretëria e Arabisë Saudite nuk do të kontrollojë Klubin e Futbollit Newcastle United.

"Të gjitha palët janë të kënaqura që kanë përfunduar këtë proces i cili i jep siguri dhe qartësi Klubit të Futbollit Newcastle United dhe tifozëve të tyre."

Sidoqoftë, emri i Bin Salman pa dyshim do të vazhdojë të lidhet me atë të Newcastle , kështu që disa mbështetës do të pyesin se sa para ka ai.

Sa i pasur është Mohammed bin Salman?

Pasuria kolektive e Fondit Saudit të Investimeve Publike është 320 miliardë paund, por pasuria neto individuale e Bin Salman besohet të jetë rreth 13 miliardë paund.

Ndërsa kjo është pak pas pasurisë neto prej 17 miliardë paund që ka pronari i Manchester City , Sheik Mansour , Bin Salman ka efektivisht pasuritë e familjes mbretërore të Arabisë Saudite pas tij, të cilat kanë një vlerë neto prej 1.3 trilion paund.