Erling Haaland shënoi dy gola në ndeshjen spektakolare në të cilën Borussia Dortmund mundi Bayer Leverkusen 4-3. Por ajo që tërhoqi shumë më tepër vëmendje ishte fotografia që kishte zgjedhur për të festuar triumfin në twitter.
Në postimin e tij në Twitter, në përgjigje të një fotografie të përbashkët me shokun e skuadrës Mahmoud Dahoud të postuar në profilin zyrtar të klubit të Dortmund, sulmuesi norvegjez shkroi "Elhamdulillah", e cila tërhoqi vëmendjen e shumë myslimanëve në të gjithë botën.
Alhamdulillah (Elhamdulillah) është një frazë arabe që do të thotë "falënderoj Allahun" dhe shpesh përdoret nga jomuslimanët që flasin arabisht.
Alhamdulilah ❤ https://t.co/X97o3nqTSe
— Erling Haaland (@ErlingHaaland) September 11, 2021
Në sfondin e kësaj historie është miqësia e Haaland me Mahmoud Dahoud, i cili ka një pasaportë gjermane, por është me origjinë siriane dhe njihet si një mysliman i devotshëm.
Dahoud dhe Haaland shpesh shihen së bashku dhe frazën "Alhamdulillah" e kanë përdorur në shenjë mbështetjeje për një mik.
Kjo konfirmohet nga videoja e postuar nga UEFA sezonin e kaluar kur Haaland festoi golin në ndeshjen e Ligës së Kampionëve kundër Sevillas me shokët e skuadrës, përfshirë Dahoud.
Haaland ka shënuar pesë gola në katër ndeshje të Bundesligës këtë sezon, ndërsa në 65 paraqitje me Dormund ka shënuar 65 gola dhe ka dhënë 19 asistime.
© SYRI.net
Bëje LIKE dhe merr lajmin e fundit nga Sporti: