Qyteti i Pogradecit është përfshirë nga reshje të dendura bore gjatë natës. Pamje të siguruara dhe të ardhura në redaksinë e "Syri Televizion" tregojnë se si bora ka mbuluar pothuajse çdo pjesë të qytetit, duke krijuar një peizazh të bardhë dhe të qetë.

Reshjet e borës kanë kapluar jo vetëm qytetin, por gjithashtu edhe Liqenin e Pogradecit, ku bora ka zbardhur gjithçka, duke shtuar një bukuri natyrore të jashtëzakonshme.

Kjo pamje magjepsëse mund të shihet në video që kanë arritur në redaksi, ku duken edhe akset rreth liqenit të mbuluara me borë, ndërkohë që qytetarët janë të kujdesshëm gjatë lëvizjes për shkak të ngricave.

Në këto kushte dimërore, autoritetet e Pogradecit kanë këshilluar përdorimin e gomave dimërore për të siguruar lëvizjen e sigurt dhe për të shmangur ndonjë rrezik gjatë udhëtimeve.