Sfidonte temperaturat e ulëta të ujit, humb jetën notari në Greqi

Kërkimet e gjata për notarin e dimrit të zhdukur në Kiosin jugor patën një fund tragjik, pasi burri u gjet i vdekur nga një anije patrullimi e Rojës Bregdetare që mori pjesë në operacionin e kërkimit.

Sipas gazetës “Politis”, notari fatkeq u gjet në zonën detare afërsisht një milje detare nga bregu i Gridias, drejt Vokarias.

Sipas raportimeve nga mediat vendase, burri kishte shkuar për të notuar në zonën detare të Platsa-s, midis Gridias dhe Vokarias, por nuk u kthye dhe as nuk kontaktoi të afërmit e tij, gjë që ngriti alarmin. Makina e tij u gjet e parkuar pranë vendit, gjë që përforcoi vlerësimet se ai kishte hyrë në det.

Kërkimet u kryen në kushte veçanërisht të vështira, pasi në zonë frynin erëra të forta, duke kufizuar mundësitë e vendosjes së mjeteve lundruese dhe duke penguar ndjeshëm punën e forcave të shpëtimit. Megjithatë, Roja Bregdetare, në bashkëpunim me autoritetet e tjera të përfshira, vazhdoi operacionin derisa burri u gjet.