PAMJE/ Stuhia e 'Agiokampos' godet Larisën, rrrugët nën ujë, banorët në alarm

Bregdeti i Larisës u përball dje me mot të keq, si pasojë e stuhisë 'Agiokampos'. Valët e detit, të përforcuara nga erërat e forta, goditën vijën bregdetare dhe rrezikuan anijet e peshkimit të ankoruara në porte.

Rruga dhe plazhet u mbuluan nga sasi të mëdha drurësh dhe trungjesh, duke krijuar diga të pakalueshme, ndërsa disa shtëpi dhe dyqane u përmbytën.

Banorët e zonës kanë shprehur pakënaqësinë e tyre ndaj mungesës së një plani emergjent për përballimin e stuhive dhe përmbytjeve, duke theksuar se situata mund të ishte parandaluar nëse autoritetet do të kishin ndërhyrë me masa preventuese.

“Uji ka hyrë brenda shtëpive tona dhe dyqaneve, rrugët janë të bllokuara, dhe asnjë përgjegjës nuk duket në terren. Është një situatë që kërkon ndërhyrje urgjente,” shprehen disa prej tyre.

Ekspertët paralajmërojnë se fenomenet e tilla natyrore, për shkak të erërave dhe reshjeve të forta, mund të përkeqësohen në mungesë të një menaxhimi të mirë të bregdetit dhe përrenjve, duke rrezikuar jo vetëm infrastrukturën, por edhe jetën e banorëve dhe aktivitetin ekonomik të zonës.

Ata kërkojnë investime të menjëhershme në sistemin e mbrojtjes bregdetare, pastrimin e përrenjve dhe vendosjen e barrierave mbrojtëse për të parandaluar përmbytjet e ardhshme./ Përgatiti: Syri.Net

FOTO GALERI