Mbi 5 mijë persona morën pjesë në tubimin e organizuar sot pasdite në Athinë, për të përkujtuar vrasjen e Alexandros Grigoropoulos, djaloshit 15-vjeçar të vrarë nga plumbat e policit special Epaminondas Korkoneas.

Sot shënohej 17-vjetori i vrasjes së të riut dhe mijëra qytetarë dolën në rrugë me sloganet “Plumbi nuk u qëllua rastësisht, larg duart nga të rinjtë” dhe “Fjalën e fundit do ta kemi ne, këto ditë i përkasin Aleksis”.
Turma nisi tubimin nga Propylaea dhe u drejtua drejt Syntagmës.

Incidente të vogla ndodhën pak pas orës 20:00 në qendër të Athinës gjatë marshimit për 17-vjetorin e vrasjes së Alexandros Grigoropoulos nga roja speciale Epaminondas Korkoneas.

Konkretisht, ndërsa marshimi po i afrohej fundit, në rrugën Panepistimiou, një grup demonstruesish pranë Benaki u përpoqën të shkonin drejt Eksarkias,  megjithatë, forcat e policisë së trazirave nuk 

Alexandros (Alexis) Grigoropoulos ishte një adoleshent grek, 15 vjeç, i cili u vra më 6 dhjetor 2008 në lagjen Eksarkia të Athinës nga një oficer policie, Epaminondas Korkoneas.

Vrasja e tij ndodhi pas një konflikti verbal mes një grupi të rinjsh dhe dy oficerëve të policisë. Korkoneas qëlloi me armë zjarri, duke e goditur për vdekje Grigoropoulosin. Ngjarja shkaktoi tronditje të madhe shoqërore në Greqi dhe u pasua nga protesta masive, trazira dhe demonstrata që zgjatën për javë të tëra në të gjithë vendin.

Rasti i Alexandros Grigoropoulos u bë simbol i dhunës policore dhe revoltës së të rinjve, ndërsa çdo vit më 6 dhjetor organizohen marshime dhe protesta përkujtimore, veçanërisht në Athinë.

Oficeri Epaminondas Korkoneas u dënua fillimisht me burgim të përjetshëm, megjithatë dënimi i tij u rishikua më vonë, duke shkaktuar reagime të forta dhe protesta të reja në opinionin publik grek.

Shikoni videot nga marshimi në Athinë:

Në të njëjtën kohë, një marshim në kujtim të Alexandros Grigoropoulos u mbajt edhe në Selanik , ku autoritetet kryen dhjetë arrestime.