Katër persona u arrestuan për transportimin e një sasie të madhe kanabisi të papërpunuar në Greqi.

Atyre iu gjetën në posedim 42 kilogramë e 869 gramë kanabis, përfitimi financiar i pritur nga shitja e tij i kalonte shumën prej 686,000 eurosh.

Operacioni u krye mbrëmë në zonën e Kozanit, jo shumë larg kufirit shqiptyar, ku oficerët e policisë nga Departamenti i Narkotikëve të Nëndrejtorisë së Hetimit dhe Ndjekjes Penale të Krimit në Kastoria (Kostur), pas përdorimit të duhur të informacionit dhe një operacioni të koordinuar policor, u përpoqën të kontrollonin dy makina.

Por drejtuesit e tyre nuk iu bindën sinjalit të ndalimit të policisë dhe pasi rritën shpejtësinë, ikën me vrap.

Pasoi një ndjekje, gjatë së cilës pasagjerët e automjetit të parë, duke kaluar nëpër një zonë rurale-pyjore të Kosturit, pasi braktisën dy çanta udhëtimi që përmbanin 39 kilogramë kanabis të papërpunuar, e vazhduan udhëtimin e tyre drejt zonës së Kozanit.

Më në fund, policia ndaloi automjetet dhe arrestoi një grua 26-vjeçare dhe tre burra 22, 29 dhe 44-vjeç. Nuk janë dhënë ende detaje për kombësinë e të arrestuarve, lidhjet e tyre dhe destinacionin e drogës.