E quajtën 'persona non grata'/ Vuçiç nga Japonia ngre tensionet, lajmëron sërish pjesëmarrjen e tij në një tubim në Novi Sad

Presidenti serb Aleksandar Vuçiç ka ngritur tensionet politike me deklaratat e tij të fundit, duke paralajmëruar për një “takim të madh” në Novi Sad dhe duke kërcënuar kundërshtarët politikë.

Gjatë një vizite në Japoni, Vuçiç tha se ata që “donin ta shkatërronin Serbinë” do të mposhten “më bindshëm se më parë”, një retorikë që nxjerr në pah autoritarizmin dhe përpjekjen për të frikësuar kritikët.

Komentet e tij vijnë pas deklaratës së profesor Ilija Srdanoviq, i cili e përshkroi Vuçiç si “persona non grata” në Novi Sad dhe theksoi rritjen e flakës së lirisë në qytet. Përkundër kësaj, presidenti mohoi çdo shqetësim, duke e prezantuar vizitën e tij si një çështje familjare dhe duke e përdorur këtë si justifikim për praninë e tij të vazhdueshme në qytet.

Që nga protesta e madhe e 5 nëntorit të vitit të kaluar në Novi Sad, e shkaktuar nga shembja e tendës në Stacionin Hekurudhor, Vuçiç ka paralajmëruar vazhdimisht ardhjen e tij, por ka shfaqur pak përparim real në adresimin e shqetësimeve qytetare.

Vizita e fundit më 12 korrik, e fokusuar te punimet në urën mbi Danub në Korridorin Frushka Gora, shihet nga kritikat si një përpjekje për të shpërqendruar vëmendjen nga problemet reale dhe tensionet sociale.

Analistët e cilësojnë retorikën e Vuçiç si një strategji për të forcuar kontrollin dhe për të intimiduar qytetarët dhe kundërshtarët politikë, duke e vendosur Serbinë në një kurs politik polarizues dhe të tensionuar.