Greqia po përballet me një tjetër natë ankthi në shumë zona të vendit, me zjarret të ndezura dhe puna e zjarrfikësve vijon e pandërprerë.

Ndonëse zjarrfikësit nuk kanë ndalur në asnjë moment punën për të neutralizuar flakët, por situata ka qenë tepër problematike, raporton Protothema.

Frontet më kritike të zjarreve për momentin ndodhen në Andros, Evros, Rodopë. Autoritetet kanë marrë masa për evakuimin e qytetarëve.

Në njëzet e katër orët e fundit janë shënuar 75 zjarre të reja në pyje. Në Parnithë, forca të forta po operojnë dhe po përballen me shpërthime, kryesisht në anën jugperëndimore të saj, pranë Kalasë së Fisit.