Një grabitje e armatosur ka ndodhur në një dyqan orësh Rolex në qendër të Athinës në Greqi.

Autorët, 4 persona, të maskuar dhe të armatosur, kërcënuan me pistoletë punonjësin e dyqanit të orëve luksoze.

Grabitësit morën më shumë 18 orë dore Rolex me vlerë qindra mijëra Euro dhe u arratisën me dy motora.

Policia greke është vënë në ndjekje të tyre, teksa grupi hetimor po mbledh provat në vendngjarje.