Dy këshilltarë komunal në Apatin të Serbisë, janë rrahur në mes të qytetit. Dejan Baçiç nga koalicioni “Moramo”, Millorad Mrgja dhe kryetari i Këshillit lokal nga partia Radikale serbe, janë filmuar teksa rriheshin, ndërsa qytetarët kanë mbetur të shokuar nga ky moment.

Sipas informacioneve jozyrtare të nova.rs, ata u përleshën fizikisht për shkak të mospajtimit rreth çështjes së Kosovës.

Deri më tani nuk dihet nëse dyshja janë marrë në pyetje nga policia, ndërsa në fund një person i tretë ndërhyn për ta qetësuar situatën.

Videoja për pak minuta është bërë virale, ndërsa komentues të shumtë kanë shkruar komente satirike për këta dy politikanë serbë.