Sekretari i Përgjithshëm i Partisë së Lirisë, Z. Tedi Blushi, ka përcjellë një mesazh urimi me rastin e Krishtlindjes për të gjithë besimtarët e krishterë dhe mbarë popullin shqiptar.

Në mesazhin e tij, Blushi thekson se urimi vjen në emër të Partisë së Lirisë, të Presidentit Ilir Meta dhe në emrin e tij personal, duke u uruar të gjithë besimtarëve: “Gëzuar Krishtlindjen!”, si dhe më shumë mirësi, lumturi dhe begati në çdo familje shqiptare.

Ai nënvizon se Lindja e Krishtit përfaqëson lindjen e shpresës për ditë më të mira, të cilat, sipas tij, patjetër do të vijnë. Në këtë kuadër, Blushi bën thirrje për lutje dhe përkushtim, me dëshirën që Krishtlindja e ardhshme të festohet nga të gjithë shqiptarët në liri, dinjitet dhe begati.

Mesazhi përmbyllet me një apel për çlirim të plotë të shoqërisë, duke e konsideruar këtë si një kusht për një të ardhme më të mirë për vendin.

Urimi i Blushit: 

Në emër të Partisë së Lirisë,  të Presidentit Meta dhe në emrin tim personal, ju uroj sot të gjithë besimtarëve të krishterë dhe mbarë popullit shqiptar:
Gëzuar Krishlindjen!

Sa më shumë mirësi, lumturi dhe begati në çdo familje shqiptare!

Lindja e Krishtit është lindja e shpresës për ditë më të mira që patjetër do të vinë dhe le të lutemi, por në veçanti, le të përkushtohemi që Krishtlindjen e ardhshme të gjithë shqiptarët ta festojnë në liri, në dinjitet dhe në begati .

Të çliruar njëherë e përgjithmonë nga ky sekt antifamilje dhe anti-Zot.

Faleminderit!