Rama në samitin e Komunitetit Politik, çudit gazetarët: Evropa mund të mësojë shumë nga Shqipëria…nuk harroi Diellën

Në Kopenhagen të Danimarkës, udhëheqësit evropianë – përfshirë edhe Shqipërinë po marrin pjesë në samitin e shtatë të Komunitetit Politik Evropian.

Në këtë samit, Shqipëria përfaqësohet nga kryeministri Edi Rama.

I mësuar me propagandën e tij dhe me mediat që i rrinë në rresht në Tiranë, kreu i qeverisë shqiptare nuk është ndalur në batutat e tij për martesa me kontinentin apo për ëndrra të ndërmjetësimit të luftës në Ukrainë.

Kësaj here ai ka shkuar më larg.

Ja çfarë deklaroi kreu i qeverisë shqiptare.

“Europa mund të mësojë shumë nga Shqipëria”.

Se çfarë mund të mësojë Evropa nga Shqipëria nuk është shumë e qartë dhe kjo nuk del as në deklaratat e Ramës. Por një gjë është shumë e qartë që Evropa mund të mësojë fare mirë se si një qeveri mund të bashkëpunojë me krimin dhe bandat. Por njëkohësisht Evropa mund të mësojë se si paratë e trafikut të drogës dhe të karteleve të mëdha të transportit të kokainës mund të pastrohen në ndërtim apo në sektorë të tjerë më ndihmën e qeverisë. Pra Evropa ka ç’të mësojë. Se për demokracinë, lirinë e medias, mos kërcënimin e opozitës, votën e lirë etj.... këto tashmë Evropa i ka mësuar nga Shqipëria e tërësisht nga Edi Rama.

Të mos harrojmë se tashmë në çdo takim ndërkombëtar apo takime bilaterale që zhvillon, nxjerr nga xhepo “diellin” me 6 gishta dhe e prezantin si nje risi teknologjike se si të kontrollojë hajdutët e shumtë që ka rreth vetes. Të mos i lërë ata të vjedhin por të vjedhë vetë duke përdorur Diellën si mburojë.

Edhe në Danimarke e tha. Ne kemi Diellën tashmë. Sikur Diella të ishte Dielli.

Ai u shpreh se si një ministre ndryshe është e qartë që do të përballet me kritika, por që deri tani është vërtetuar se gjithçka funksionon. Pra Diella është ndezur.