Deputeti i PD-së Oerd Bylykbashi, i ftuar në emisionin Çim Peka Live në Syri Tv, deklaroi se akti i Bashës, me përjashtimin e Berishës, ka krijuar çarje në PD.

Bylykbashi thekson se Sali Berisha është pro amerikani më i madh dhe që shihet si model perfekt nga shumica e demokratëve.

“Kemi krijuar modelin e satrapit. Kryetari nuk e ka kompetencën që të drejtojë partinë me dorë të hekurt, sepse përpara ka statutin. Nuk bëhen reforma mbi krizë. Një kryetar partie duhet të kuptojë se kur të marrë vendime, duhet të pyesë organet e partisë. Sali Berisha është pro amerikan. Berisha është model, që shumica e demokratëve dhe votuesve të PD e gjejnë si model të fitores.

Basha ende nuk e ka krijuar këtë model. Akti i Bashës ka krijuar çarje në PD, pasojat janë numerike. Blloqe të mëdha të elektoratit tonë janë pakësuar, një kryetar partie e bën këtë vetëm kur nuk ka eksperiencë. Nuk mund të konsiderohet “llum” nga Basha, duke përjashtuar shumë demokratë”, u shpreh Bylykbashi.